'ಮಸಣದ ಚಲುವೊಂದಿಗೆ' ಪ್ರಣಯವಾಯ್ತೆ?
ಮಸಣದ ನೀರವತೆ ದಮನಿತರ
ದನಿಗೆ, ತಾ ಸ್ಫೂರ್ತಿಯಾಯ್ತೆ?
'ನಾ ಮೂಳೆ, ನಾ ಇಂಗೆ ಇರಲ್ಲಾ
ಕೂಗ್ತೀನಿ, ಸಿಡಿತೀನಿ,' ಎಂಬಿವನ ದನಿ
ಬಂಡಾಯದ ಕೂಗಾಯ್ತೆ?
'ತ್ರಾಣ, ಪ್ರಾಣ ಎಳ್ಡೂ ಇಲ್ದೆ
ತ್ವಡೆ ನಡ್ಗಿ ಸತ್ತೋಗೋರಾ,' ಎಂಬೀ ಕೂಗು
ನಮ್ಮಾಳೋರ ಬಡಿದೆಬ್ಬಿಸಿತೇ?
'ಟಾಟಾ, ಬಿರ್ಲಾ ಜೋಬಿಗೆ ಬಂತು
ನಲವತ್ತೇಳರ ಸ್ವಾತಂತ್ರ್ಯ' ಎಂದವನ ನಾದ
ಸಾಮಾಜಿಕ ನ್ಯಾಯಕ್ಕೆ ತಾ ನಾಂದಿಯಾಯ್ತೆ?
ಶೋಷಿತರ ದನಿಯಿಂದು ಸದ್ದಡಗಿಸಿತೆ?
ದಿವ್ಯ ಚೇತನಕೇತರ ಸಾವು?
ಸ್ಥಾವರಕಳಿವುಂಟು, ಜಂಗಮಕ್ಕುಂಟೇ?
ರಚನೆ: ಲಕ್ಷ್ಮೀನಾರಾಯಣ ಕೆ.
ಟಿಪ್ಪಣಿ: ಡಾ. ಸಿದ್ಧಲಿಂಗಯ್ಯರವರ "ಮಸಣದ
ಚಲುವೆ, ಒಂದು ಮೂಳೆಯ ಹಾಡು,
ಸತ್ತೋಗೋರಾ, ನಲವತ್ತೇಳರ ಸ್ವಾತಂತ್ರ್ಯ"
ಗೀತೆಗಳಿಂದ ಆಯ್ದ ಸಾಲುಗಳನ್ನು
ಇಲ್ಲಿ ಕ್ರಮವಾಗಿ ಬಳಸಲಾಗಿದೆ)
No comments:
Post a Comment