ದುಬಾರಿ ಡಾಲರ್

ಅಮೆರಿಕದ ಡಾಲರೇ ಶರಣು, ಸಮನಾರು ನಿನಗೆಂಬೆನು?

ಕಿಸೆಯಲಿ ರೂಪಾಯಿ ಮಾತ್ರವುಳ್ಳ ಬಲಹೀನ ನಾನು 

ಕಚ್ಚಾತೈಲ ಖರೀದಿಸಲು ನೀನೇ ಬೇಕಂತೆ 

ಅದರ ಬೆಲೆಯೇರುತಿರೆ ನಿನ್ನ ಹಿಡಿವರಾರಂತೆ?

ನಿನ್ನ ಗಳಿಸಲು ರಪ್ತು ಹೆಚ್ಚು ಮಾಡಬೇಕಂತೆ 

ಏರುತಿರೆ ಆಮದು ನೀ ಮುನಿದು ಓಡುವೆಯಂತೆ 

ಪಡುತಿರುವರಂತೆ ಎಲ್ಲ ನಿನ್ನ ಪಡೆಯುವ ಕಾತರ 

ಅದೇ ವಿಶ್ವದ ದಿಗ್ಗಜರ ನಡುವಿನ ವ್ಯಾಪಾರ ಸಮರ 

ಸುಂಕ -ಮರುಸುಂಕಗಳ ಸರಣಿಯ ಥರಥರ 

ಅದಕೆ ಏರಿದೆಯಂತೆ ನಿನ್ನ ಬೆಲೆಯೂ ಸರಸರ 

ಏನೆಂದು ಬಣ್ಣಿಸಲಿ ನಿನ್ನ ಅಟ್ಟಹಾಸ 

ಏರಿಸಿರುವೆ ಬೆಲೆಗಳ ಬರೆದು ಹೊಸ ಇತಿಹಾಸ 

ನನಸುಗೊಳಿಸಬಹುದೇ ನಮ್ಮ ಮನೆ-ಮದುವೆಗಳ ಕನಸ?

ಬದುಕನೇ  ಮಾಡಿರುವೆ ನಮ್ಮ ಪಾಲಿಗೊಂದು ದುಃಸ್ಸಾಹಸ
-0-0-0-0-0-0-

(ಮೇಲೆ ಉಪಯೋಗಿಸಿರುವ ಚಿತ್ರದ ಹಕ್ಕುಸ್ವಾಮ್ಯ ನನಗಿಲ್ಲ. ಅದರ ಮೂಲಕ್ಕೆ ನನ್ನ ಧನ್ಯವಾದಗಳು.
I don't have copyrights on the picture used above.  Thanks to the source.)