ಬೀಳದಿರು ಪಾತಾಳಕೆ!

ಬೀಳದಿರು ಪಾತಾಳಕೆ!

ನಮ್ಕಿಸೆಯ ರುಪಾಯೇ ಬೀಳದಿರು ಪಾತಾಳಕೆ 

ತಳ್ಳದಿರು ನಮ್ಮ ಕಂಡರಿಯದ ತಳಮಳಕೆ 

ಕಳಿಸಿಹೆವು ನಮ್ಮೊಲುಮೆಯ ಕುಡಿಯ 

                                ವಿದೇಶದ  ವ್ಯಾಸಂಗಕೆ 

ಕಂಡಿಹೆವು ಕನಸ ತಲೆಮೇಲ ಸೂರೊಂದಕೆ 

ಕಮರಿಹುದಾಸೆಗಳು ಬರಿಸಲಾರದೆ ಹೊರೆಯ 

ಬೆಲೆಗಳೇರಿರೆ ಎತ್ತರದ ಹೊಸಗಗನಕೆ 

ಬಿದ್ದರೇನು ಕುಂದಿಲ್ಲ, ನೀನಿನ್ನೂ ಸೋತಿಲ್ಲ 

 ನಿನ್ನಲಿಹುದು ಪುಟಿದೇಳುವ ಯುಕ್ತಿ  

ದೊರೆಕಿಸು ನಮಗೆಲ್ಲ ಬೆಲೆಗಳಿಂದ ಮುಕ್ತಿ 

ನಿನ್ನ ಹಿಂದಿಹುದು ನವ ಭಾರತದ ಶಕ್ತಿ 

ರಚನೆ: ಲಕ್ಷ್ಮೀನಾರಾಯಣ ಕೆ. 

(ಮೇಲಿನ ಚಿತ್ರದ ಮೂಲಗಳಿಗೆ ಧನ್ಯವಾದಗಳು)